دڵشاد ئه‌نوه‌رنه‌وشیروان مسته‌فا چاوی‌ به‌دوو کوڕی‌ خالیدی‌ خوله‌سوور ده‌که‌وێت‌و گفتوگۆیان له‌گه‌ڵدا ده‌کات، دوای‌ ئه‌وه‌ی‌ بانگهێشتی‌ مه‌کۆی‌ سه‌ره‌کی‌ بزووتنه‌وه‌ی‌ گۆڕانی‌ کردوون، باژێرڤانی‌ سلێمانیش بزووتنه‌وه‌که‌ش ده‌ڵێت بۆ ئامۆژگاریکردنیان بووه‌ تاوه‌کو دان به‌خۆیاندا بگرن.بانگهێشتکردنی‌ کوڕه‌کانی‌ خالیدی‌ خوله‌سوور، دوای‌ کوژرانی‌ باوکیان دێت که‌ له‌هه‌ڵبژاردنه‌ په‌رله‌مانیه‌که‌ی‌ 2009 پشتیوانی‌ خۆی‌ بۆ بزووتنه‌وه‌ی‌ گۆڕان نیشاندابوو.خالیدی‌ خوله‌سوور، ئێواره‌ی‌ شه‌ممه‌ 23ی‌ شوباتی‌ 2013 له‌به‌رده‌م ماڵه‌که‌ی‌ خۆیدا له‌گه‌ڕه‌کی‌ رزگاری‌ سلێمانی‌ ته‌قه‌ی لێکراو گوللـه‌یه‌ک به‌ر سه‌ری‌ که‌وت‌و دوای‌ مانه‌وه‌ی‌ کاتژمێر‌و نیوێک له‌نه‌خۆشخانه‌ی‌ فریاکه‌وتنی‌ سلێمانی‌ گیانی‌ له‌ده‌ستدا.سه‌رچاوه‌یه‌ک له‌گۆڕان که‌ نه‌یویست ناوی‌ بڵاوبکرێته‌وه‌، بۆ ‌هاوڵاتی‌ ئاشکراکرد که‌ ئێواره‌ی‌ سێشه‌ممه‌ 26ی‌ ئه‌م مانگه‌، شاهۆی‌ کوڕی‌ خالیدی‌ خوله‌سوور‌و برایه‌کی‌ سه‌ردانی‌ نه‌وشیروان مسته‌فا رێکخه‌ری‌ گشتی‌ گۆڕانیان کردووه‌.شاهۆ کوڕه‌ گه‌وره‌ی‌ خالیدی‌ خوله‌سوور، سه‌ردانه‌که‌ی‌ پشتڕاستکرده‌وه‌‌و به‌‌هاوڵاتی‌ وت «کاک نه‌وشیروان به‌بۆنه‌ی‌ تیرۆرکردنی‌ باوکمانه‌وه‌ سه‌ره‌خۆشی‌ لێکردین».به‌پێی‌ سه‌رچاوه‌که‌، له‌کاتی‌ سه‌ردانه‌که‌دا، سه‌رکه‌وتی‌ حه‌سه‌ن‌و دلاوه‌ری‌ حاجی‌ عوسمانیش هه‌ڵسوڕاوانی‌ گۆڕان لای‌ نه‌وشیروان مسته‌فا بوون.سه‌رکه‌وت حه‌سه‌ن، باژێروانی‌ سلێمانی‌ بزووتنه‌وه‌ی‌ گۆڕان، به‌‌هاوڵاتی‌ وت «کاک نه‌وشیروان ئامۆژگاری‌ کردن دان به‌خۆیاندا بگرن‌و چاوه‌ڕێی‌ ئه‌نجامی‌ لێکۆڵینه‌وه‌کان بکه‌ن».ناوبراو له‌باره‌ی‌ دۆسیه‌ی‌ کوژرانی‌ خالیدی‌ خوله ‌سووره‌وه‌ ئاماده‌نه‌بوو به‌ناوی‌ گۆڕانه‌وه‌ قسه‌بکات، به‌ڵام وه‌کو رای‌ خۆی‌ وتی‌ «به‌کارێکی‌ زۆر خراپی‌ ده‌زانم، چونکه‌ خه‌ڵکی‌ تاوانبار زۆرن وه‌کو به‌رزه‌کی‌ بانان ده‌سوڕێنه‌وه‌‌و هیچیان به‌رانبه‌ر ناکرێت».به‌پێی‌ ئه‌و زانیارییانه‌ی‌ ده‌ست ‌هاوڵاتی‌که‌وتوون، جگه‌ له‌وه‌ی‌ ده‌ست به‌سه‌ر ئۆتۆمبێلێکی‌ جۆری‌ (BMW)ی‌ ئه‌و که‌سانه‌دا گیراوه‌ که‌ خالیدی‌ خوله‌ سووریان کوشتووه‌، له‌هه‌مانکاتدا ژماره‌یه‌ک له‌به‌رپرسه‌…

كه‌سوكاری‌ خالیدی‌ خوله‌سور رایده‌گه‌یه‌نن له‌خوێنی‌ “باوكیان” خۆش نابن‌و سكاڵا تۆمارده‌كه‌ن.خالید خوله‌ سوور، ئێواره‌ی‌ شه‌ممه‌ 23ی‌ شوباتی‌ 2013 له‌به‌رده‌م ماڵه‌كه‌ی‌ خۆیدا له‌گه‌ڕه‌كی‌ رزگاری‌ سلێمانی‌ ته‌قه‌ی لێكراو گوللـه‌یه‌ك به‌ر سه‌ری‌ كه‌وت‌و دوای‌ مانه‌وه‌ی‌ كاتژمێر‌و نیوێك له‌نه‌خۆشخانه‌ی‌ فریاكه‌وتنی‌ سلێمانی‌ گیانی‌ له‌ده‌ستدا به‌هۆی‌ سه‌ختی‌ برینه‌كه‌یه‌وه‌.ماهیر خالید خوله‌ سور، كه‌ یه‌كێكه‌ له‌كوڕه‌كانی‌؛ به‌هاوڵاتی‌ وت باوكی خه‌ریكی‌ چاككردنی‌ خانووه‌كه‌ی‌ بووه‌ له‌گه‌ڵ وه‌ستاو كرێكارێكدا له‌و كاته‌دا ئوتومبێله‌كه‌ به‌ده‌مانچه‌ی‌ بێده‌نگ هێرشی كردووه‌ته‌ سه‌ری‌و فیشه‌كێكی‌ ناوه‌ به‌سه‌رییه‌وه‌.خالیدی‌ خوله‌سوور، جگه‌ له‌وه‌ی‌ پیاوێكی‌ كرمه‌ڵایه‌تی‌ بووه‌، پێش راپه‌ڕین‌و دواتریش له‌ریزه‌كانی‌ كۆمه‌ڵه‌ی‌ ره‌نجده‌ران‌و یه‌كێتیدا كاری كردووه‌، دوای‌ درووستونی‌ بزووتنه‌وه‌ی‌ گۆڕانیش پشتگیریی لێكردووه‌. به‌مدواییانه‌ش سه‌رگه‌رمی‌ كۆمه‌ڵێك نووسین‌و یاداشت بووه‌، كه‌ به‌شێك له‌و نوسینانه‌ ره‌خنه‌بوون له‌ كۆمه‌ڵێك به‌رپرسی سیاسی.كه‌سوكاره‌كه‌ی‌ ده‌ڵێن، هه‌رچه‌نده‌ متمانه‌یان به‌ ده‌زگا ئه‌منییه‌كانی‌ سلێمانی‌ هه‌یه‌، به‌ڵام بۆ به‌دواداچوونی‌ زیاتر داوایان له‌سه‌رۆكایه‌تی‌ هه‌رێم‌و وه‌زاره‌تی‌ ناوخۆ كردووه‌ تاوانباره‌كان بدۆزنه‌وه‌.ماهیر خالید خوله‌ سور، ده‌ڵێت تائێستا گومانیان له‌كه‌س نییه‌، بڕیاریشیان داوه‌ دوای‌ ته‌واوبونی‌ پرسه‌كه‌ی‌ سكاڵای‌ یاسایی‌ تۆماربكه‌ن بۆ دۆزینه‌وه‌ی‌ تاوانباره‌كان “به‌دڵنیاییه‌وه‌ له‌خوێنی‌ باوكمان خۆش نابین، سكاڵا تۆمارده‌كه‌ین، ئه‌گه‌ر دۆزرایه‌وه‌ ده‌یده‌ینه‌ دادگا ئه‌گه‌ریش نه‌دۆزرایه‌وه‌ ده‌یده‌ینه‌ ده‌ست خوا”.خالید مه‌حمود ئه‌حمه‌د، ناسراو به‌ (خالیدی‌ خوله‌ سور) ساڵی‌ 1956 له‌ گوندی‌ بانی‌ بنوَكی‌ بناری‌ سورێن له‌ناوچه‌ی‌ شاره‌زوور له‌دایكبووه‌، كه‌سایه‌تییه‌كی‌ كۆمه‌لاَیه‌تی‌ عه‌شیره‌تی‌ غه‌واره‌و ناوچه‌ی‌ شاره‌زووره‌، ماڵ‌و منداڵه‌كانیشی نیشته‌جێی سلێمانین.خالیدی‌ خوله‌ سور له‌ساڵانی حه‌فتاكاندا به‌رپرسی شانه‌ی سورێنی كۆمه‌ڵه‌ی ره‌نجده‌رانی كوردستان بووه‌. له‌ 21/6/1980…

پۆلیسی سلێمانی‌ راگه‌یاند هیچ سه‌ره‌داوێكیان ده‌ستنه‌كه‌وتووه‌ له‌رووداوی‌ كوشتنی‌ خالیدی‌ خوله‌ سوور، سه‌رۆكی‌ عه‌شیره‌تی‌ غه‌واره‌ كه‌ شه‌ممه‌ی رابردوو له‌سلێمانی‌ كوژرا.عه‌مید سه‌ركه‌وت ئه‌حمه‌د، وته‌بێژی‌ پۆلیسی‌ سلێمانی‌ له‌لێدوانێكدا به‌هاوڵاتی‌ وت كه‌ دوای‌ رووداوه‌كه‌ پۆلیسی‌ سلێمانی‌ به‌ هاوكاری‌ بنكه‌ی‌ پۆلیسی‌ رزگاری‌‌و به‌ڵگه‌ی‌ تاوان چونه‌ته‌ شوێنی‌ رووداوه‌كه‌‌و به‌دواداچون ده‌ستی‌ پێكردووه‌‌و به‌رده‌وام ده‌بین له‌لێكۆڵینه‌وه‌كان.جه‌لال كه‌ریم، بریكاری‌ وه‌زاره‌تی‌ ناوخۆی‌ هه‌رێم، به‌هاوڵاتی‌ وت كه‌ هه‌ركاتێك كه‌سوكاره‌كه‌ی‌ سكاڵا تۆماربكه‌ن له‌سه‌ر هه‌رگومانالێكراوێك‌و دادگاش بڕیاری ده‌ستگیركردنی‌ بدات، ئه‌وان ئاماده‌ن جێبه‌جێی بكه‌ن.خالید خوله‌ سوور، ئێواره‌ی‌ شه‌ممه‌ 23ی‌ شوباتی‌ 2013 له‌به‌رده‌م ماڵه‌كه‌ی‌ خۆیدا له‌گه‌ڕه‌كی‌ رزگاری‌ سلێمانی‌ ته‌قه‌ی لێكراو گوللـه‌یه‌ك به‌ر سه‌ری‌ كه‌وت‌و دوای‌ مانه‌وه‌ی‌ كاتژمێر‌و نیوێك له‌نه‌خۆشخانه‌ی‌ فریاكه‌وتنی‌ سلێمانی‌ گیانی‌ له‌ده‌ستدا به‌هۆی‌ سه‌ختی‌ برینه‌كه‌یه‌وه‌.

دوای‌ كوژرانی‌ سه‌رۆكی‌ عه‌شره‌ته‌كه‌یان، عه‌شره‌تی‌ غه‌واره‌ سه‌رۆكێكی‌ نوێ‌ بۆ عه‌شیره‌ته‌كه‌یان دیاری‌ ده‌كه‌ن كه‌ كوڕه‌ گه‌وره‌ی‌ خالیدی خوله‌سووره‌. پێرێ‌ له‌ گه‌ڕه‌كی‌ رزگاری‌ شاری‌ سلێمانی‌ و له‌به‌رده‌م ماڵه‌كه‌ی‌ خۆیدا ته‌قه‌ له‌ "خالید مه‌حمود ئه‌حمه‌د" ناسراو به‌ خالیدی خوله‌سوور سه‌رۆك عه‌شره‌تی‌ غه‌واره‌ كرا و به‌هۆیه‌وه‌ ناوبراو له‌گه‌ڵ‌ دوو كه‌سدا كه‌ كاریان له‌ماڵه‌كه‌یدا ده‌كرد، بریندار بوون، هه‌مان شه‌و خالیدی خوله‌ سوور له‌ نه‌خۆشخانه‌ گیانی‌ له‌ ده‌ست دا. شاهۆ خالید مه‌حمود كوڕی‌ سه‌رۆكی‌ عه‌شره‌تی‌ غه‌واره‌ به‌ خه‌ندانی‌ راگه‌یاند: "ئه‌مڕۆ له‌ كۆتایی مه‌راسیمی‌ پرسه‌كه‌یاندا به‌ كۆی‌ ده‌نگی‌ هه‌موو ریش سپییان و پیاو ماقوڵانی‌ عه‌شره‌تی‌ غه‌واره‌ وه‌ك جێگره‌وه‌ی‌ باوكم دیاری‌ كرام به‌ سه‌رۆكی‌ عه‌شره‌تی‌ غه‌واره‌". شاهۆ خالید مه‌حمود وتی‌: "لای‌ خۆمه‌وه‌ ئه‌و ئه‌ركه‌م قبوڵ‌ كرد كه‌ له‌ خزمه‌تی‌ ئه‌واندا بم و بۆ خزمه‌تكردنی‌ هه‌موو خزمان". سه‌رۆكی‌ نوێی‌ عه‌شره‌تی‌ غه‌واره‌ وتیشی‌: "رێچكه‌ی‌ باوكم ده‌گرمه‌وه‌ بۆ خزمه‌تكردنی‌ دۆسته‌كانمان و خزمه‌كانمان و به‌رزكردنه‌وه‌ی‌ ناوی عه‌شره‌ته‌كه‌مان". سه‌رۆكی‌ نوێی‌ عه‌شره‌تی‌ غه‌واره‌ له‌ لێدوانه‌كه‌یدا بۆ خه‌ندان په‌یامێكی‌ ئاراسته‌ی‌ ریش سپی‌ و پیاوماقوڵانی‌ عه‌شره‌ته‌كه‌ی‌ كرد و تیایدا داوایكرد  دان به‌خۆیاندا بگرن و ئارام بن تا تاوانباری‌ سه‌ره‌كی‌ ئه‌و كاره‌ ده‌دۆزرێته‌وه‌، وتیشی‌: "چاوه‌ڕێی‌ هه‌موو كارێكی‌ یاسایی ده‌كه‌ین". جێی‌ باسه‌ شاهۆ خالید مه‌حمود كوڕی‌ گه‌وره‌ی‌ خالیدی‌ خوله‌سووره‌ و ساڵی‌ 1981 له‌ سلێمانی‌ له‌ دایكبووه‌.

نوسینگه‌ی‌ تایبه‌تی‌ هیرۆ ئیبراهیم ئه‌حمه‌د خانمی‌ یه‌كه‌می‌ عیراق، رونكردنه‌وه‌یه‌ك له‌سه‌ر سه‌ردانی‌ ناوبراو بۆ به‌غدا بڵاوده‌كاته‌وه‌، له‌ به‌شێكی‌ ئه‌و رونكردنه‌وه‌شدا ئاماژه‌ به‌وه‌كراوه‌ كه‌ پێویست ناكات سه‌رۆك مام جه‌لال بگه‌ڕێنرێته‌وه‌ بۆ (مدینه‌ طب) له‌ شاری‌ به‌غدا.له‌ به‌شێكی‌ ئه‌و به‌یاننامه‌دا هاتووه‌"چه‌ند رۆژێكه‌ ده‌نگۆیه‌ك بڵاوبوه‌ته‌وه‌ سه‌باره‌ت به‌سه‌ردانی ره‌سمی خاتوو هێرۆ ئیبراهیم ئه‌حمه‌د بۆ شاری به‌غدا، كه‌ گوایه‌ مه‌به‌ست له‌ سه‌ردانه‌كه‌ی ئاماده‌كردنی شوێنێك بوه‌ له‌ شاری پزیشكی ( مدینه‌ الطب) له‌به‌غدا بۆ گه‌ڕانه‌وه‌ی جه‌نابی مام جه‌لال".له‌ به‌شێكی‌ دیكه‌ی‌ ئه‌و رونكردنه‌وه‌یه‌دا ئاماژه‌ به‌وه‌كراوه‌" خاتو هێرۆ رۆژی چوارشه‌ممه‌ 21-2 له‌سه‌ر بانگهێشتی ره‌سمی باڵیۆزخانه‌ی وڵاتی چین له‌ڕێگه‌ی فڕۆكه‌خانه‌ی نێوده‌وڵه‌تی سلێمانییه‌وه‌ سه‌ردانی به‌غدای كردوه‌و رۆژی شه‌ممه‌ گه‌ڕاوه‌ته‌وه‌ بۆ شاری سلێمانی، به‌پێویستی ده‌زانین ئه‌وه‌ش بڵێین له‌كاتێكدا جه‌نابی مام جه‌لال له‌وڵاتی (ئه‌ڵمانیا) له‌ژێر چاودێری و چاره‌سه‌ری پزیشكیدابێت و تیمی تایبه‌تی پزیشكی یاوه‌ری بكه‌ن پێویست ناكات بهێنرێته‌وه‌ بۆ ( مدینه‌ الطب) له‌شاری به‌غدا".ئه‌مه‌ش ده‌قی‌ رونكردنه‌وه‌كه‌ی‌ نوسینگه‌ی‌ تایبه‌تی‌ هێرۆ ئیبراهیم:چه‌ند رۆژێكه‌ ده‌نگۆیه‌ك بڵاوبوه‌ته‌وه‌ سه‌باره‌ت به‌سه‌ردانی ره‌سمی خاتوو هێرۆ ئیبراهیم ئه‌حمه‌د بۆ شاری به‌غدا، كه‌ گوایه‌ مه‌به‌ست له‌ سه‌ردانه‌كه‌ی ئاماده‌كردنی شوێنێك بوه‌ له‌ شاری پزیشكی ( مدینه‌ الطب) له‌به‌غدا بۆ گه‌ڕانه‌وه‌ی جه‌نابی مام جه‌لال، چه‌ند كه‌ناڵێكی راگه‌یاندنیش بێ ئه‌وه‌ی هه‌واڵه‌كه‌ له‌سه‌رچاوه‌ی ئاگاداره‌وه‌ پشتڕاست بكه‌نه‌وه‌ ئه‌م هه‌واڵه‌ بێ بنه‌مایه‌یان بڵاوكردوه‌ته‌وه‌، بۆیه‌ به‌پێویستی ده‌زانین ئه‌م رونكردنه‌وه‌یه‌ بۆ رای گشتی بڵاوبكه‌ینه‌وه‌:خاتو هێرۆ رۆژی چوارشه‌ممه‌ 21-2 له‌سه‌ر بانگهێشتی…

ماڵپه‌ڕی‌ ناشیوناڵ كۆنیستیتیووشن سه‌نته‌ر ی‌ ئه‌مریكی بڵاویكردوه‌ته‌وه‌ مووچه‌ی‌ سه‌رۆكی ئه‌مریكا كه‌ ساڵانه‌ 400 هه‌زار دۆلاره‌، كه‌مه‌ و به‌شی سه‌رۆكی ئه‌مریكا ناكات.به‌پێی هه‌واڵی‌ ماڵپه‌ڕه‌كه‌ سه‌رۆكی ئه‌مریكا به‌ده‌ر له‌ موچه‌كه‌ی‌ خۆی‌ ساڵانه‌ بڕی 50 هه‌زار دۆلار بۆ خه‌رجی زیاده‌ وه‌رده‌گرێت.هه‌ر به‌پێی هه‌واڵه‌كه‌ هه‌روه‌ها سه‌رۆك بۆی هه‌یه‌ فڕۆكه‌ و هه‌لیكۆپته‌ر و ئۆتۆمۆبلی كادیلاكی‌ سه‌رۆكایه‌تی به‌كاربهێنێت.

دوای ئه‌وه‌ی سه‌رله‌ئێواره‌ی دوێنی له‌شاری سلێمانی‌ ته‌قه‌ له‌ خالیدی خوله‌سور كه‌سایه‌تی كۆمه‌ڵایه‌تی‌ ناوچه‌ی شاره‌زوور كراو دوای چه‌ند كاتژمێرێك له‌مانه‌وه‌ی‌ له‌نه‌خۆشخانه‌ گیانی له‌ده‌ستدا، سه‌رله‌به‌یانی ئه‌مڕۆ ته‌رمه‌كه‌ی‌ له‌گۆڕستانی ئابلاَخی شاری سلێمانی‌ به‌خاك سپێردرا، له‌مه‌راسیمی به‌خاكپساردنیشیدا كوڕێكی خالیدی خوله‌سور ڕایگه‌یاند" داوا له‌سه‌رۆكایه‌تی هه‌رێم و وه‌زاره‌تی ناوخۆ ده‌كه‌ن بكوژانی باوكیان ئاشكرابكات .بۆ بینینی‌ راپۆرتێكی‌ ڤیدیۆیی‌ له‌وباره‌یه‌وه‌ كلیك لێره‌ بكه‌:

قه‌سابێكی میسڕی له‌ قه‌سابخانه‌كه‌یدا گۆشتی ژنه‌كه‌ی خۆی فرۆشتوه‌. به‌پێی هه‌واڵه‌كه‌ قه‌سابێكی میسڕی پاش ئه‌وه‌ی كێشه‌ی له‌گه‌ڵ ژنه‌كه‌یدا ده‌بێت و ده‌یكوژێت، بۆ ئاشكرانه‌بونی تاوانه‌كه‌ی گۆشتی ژنه‌كه‌ی له‌ دوكانی قه‌سابیه‌كه‌یدا ده‌فرۆشێت و بۆ هه‌ر كیلۆیه‌كیش 40 جونیه‌ی میسڕی وه‌رگرتوه‌ و به‌ناوی گۆشتی مه‌ڕی خۆماڵیشه‌وه‌ فرۆشتویه‌تی.به‌ڵام پاش ئه‌وه‌ی یه‌كێك له‌ كڕیاره‌كان گومان له‌ گۆشته‌كه‌ ده‌كات و ده‌یباته‌وه‌ بۆ قه‌سابه‌كه‌، چونكه‌ وه‌ك كڕیاره‌كه‌ وتویه‌تی گۆشته‌كه‌ له‌ گۆشتی مه‌ڕ نه‌چوه‌وه‌ چه‌ور نه‌بوه‌، به‌ڵام به‌هۆی ده‌مه‌قالێی له‌گه‌ڵ قه‌سابه‌كه‌دا، پۆلیس دێته‌ سه‌ر دوكانه‌كه‌و پاش پشكنینی گۆشته‌كه‌ له‌ تاقیگه‌ ده‌رده‌كه‌وێت كه‌ گۆشتی مرۆڤه‌.پاش لێكۆڵینه‌وه‌ی پۆلیس ده‌رده‌كه‌وێت كه‌ گۆشتی ژنه‌كه‌ی خۆیه‌تی و له‌ نێو موجه‌میده‌ی ماڵه‌كه‌شیدا شان و قاچی ژنه‌ كوژراوه‌كه‌ی ماوه‌ته‌وه‌ و هێشتا نه‌یفرۆشتوه‌.

سه‌رله‌به‌یانی‌ ئه‌مڕۆ دوو ته‌قینه‌وه‌ی‌ به‌هێز له‌به‌رده‌م به‌ڕێوه‌به‌رایه‌تی‌ پۆلیسی‌ كه‌ركوك ڕوویانداو به‌گوێره‌ی‌ ئاماره‌ سه‌ره‌تاییه‌كانیش 5 كوژراو 22 بریندار هه‌ن، عه‌مید سه‌رحه‌د قادر به‌ڕێوه‌به‌ری‌ پۆلیسی‌ قه‌زاو ناحییه‌كانیش له‌ناو برینداره‌كاندایه‌، به‌ڵام ده‌وترێت كه‌ برینه‌كه‌ی‌ سوكه‌.په‌یامنێری‌ ئێن ئاڕتی‌ له‌شوێنی‌ ته‌قینه‌وه‌كه‌ وتی‌ به‌گوێره‌ی‌ زانیارییه‌ سه‌ره‌تاییه‌كان ته‌قینه‌وه‌كان له‌ڕێگه‌ی‌ دوو ئۆتۆمبیله‌وه‌ ئه‌نجامدراون و دواتریش سێ‌ كه‌س به‌جلوبه‌رگی‌ پۆلیسه‌وه‌ هه‌وڵیانداوه‌ خۆیان بته‌قێننه‌وه‌ به‌ڵام له‌لایه‌ن هێزه‌كانی‌ پۆلیسه‌وه‌ كوژراون.وتیشی‌ زیانێكی‌ زۆر به‌ بینای‌ به‌ڕێوه‌به‌رایه‌تی‌ پۆلیس و شوێنه‌كانی‌ نزیك ته‌قینه‌وه‌كه‌ كه‌وتون و تیمه‌كانی‌ به‌رگری‌ شارستانی‌ و هێزه‌كانی‌ پۆلیس و ئۆتۆمبیلی‌ ئه‌مبوڵانسیش چونه‌ته‌ شوێنی‌ ته‌قینه‌وه‌كه‌.به‌گوێره‌ی‌ زانیاری‌ نه‌خۆشخانه‌ی‌ فریاكه‌وتنی‌ كه‌ركوك، تائێستا 5 كوژراو و 22 برینداری‌ ته‌قینه‌وه‌كان گه‌یه‌نراونه‌ته‌ نه‌خۆشخانه‌.له‌دوای‌ پرۆسه‌ی‌ ئازادكردنی‌ عیراق له‌ساڵی‌ 2003 دا له‌لایه‌ن هێزه‌كانی‌ ئه‌مه‌ریكاوه‌، كه‌ركوك یه‌كێك بووه‌ له‌و پارێزگایانه‌ی‌ كه‌ به‌رده‌وام ته‌قینه‌وه‌و كاری‌ توندوتیژی‌ تێدا ئه‌نجامدراوه‌ و زۆرجاریش به‌رپرسانی‌ ئه‌منی‌ شاره‌كه‌ به‌كه‌مته‌رخه‌م تۆمه‌تبار ده‌كرێن به‌وه‌ی‌ كه‌ نه‌یانتوانیوه‌ ئاسایشی‌ شاره‌كه‌ به‌شێوه‌یه‌كی‌ باش كۆنترۆڵ بكه‌ن.فۆتۆگراف: هاوار ستار

به‌ڕێوبه‌ری گشتی فه‌رمانگه‌ی‌ ته‌ندروستی‌ سلێمانی‌ ئاشكرای‌ ده‌كات ته‌ندروستی‌ مه‌حمود سه‌نگاوی‌ ئه‌ندامی‌ مه‌كته‌بی‌ سیاسی‌ یه‌كێتی‌ نیشتیمانی‌ كوردستان به‌ره‌و باشبوون ده‌ڕوات و چاره‌سه‌ری‌ پێویستی‌ بۆ كراوه‌. دكتۆر میران محه‌مه‌د عه‌باس به‌ڕێوبه‌ری گشتی فه‌رمانگه‌ی‌ ته‌ندروستی‌ سلێمانی‌ به‌ خه‌ندانی‌ راگه‌یاند: شه‌وی‌ رابردوو مه‌حمود سه‌نگاوی‌ ئه‌ندامی‌ مه‌كته‌بی‌ سیاسی‌ یه‌كێتی‌ هێنراوه‌ته‌ نه‌خۆشخانه‌ی‌ بوژانه‌وه‌ی‌ دڵ و وه‌ك هه‌رنه‌خۆشێكی‌ تر چاره‌سه‌ری‌ بۆ كراوه‌ و له‌ئێستادا ته‌ندروستی‌ باشه‌. وتیشی‌: "من مافی‌ ئه‌وه‌م نییه‌ زانیاری‌ زیاتر ده‌رباره‌ی‌ نه‌خۆشییه‌كه‌ی‌ ناوبراو بڵێم، چونكه‌ ئه‌مه‌ مافی‌ تایبه‌تی‌ نه‌خۆشه‌ و نابێت بدركێنرێت، به‌پێی‌ یاساكانی‌ وه‌زاره‌تی‌ ته‌ندروستی‌ نابێت نه‌خۆشیی‌ هیچ كه‌سێك بڵاوبكرێته‌وه‌". ئاماژه‌شی‌ به‌وه‌كرد، له‌ئێستادا ته‌ندروستی‌ مه‌حمود سه‌نگاوی‌ به‌ره‌و باشبوون ده‌ڕوات و وه‌ك هه‌ر نه‌خۆشێكی‌ تر چاره‌سه‌ری‌ وه‌رگرتووه‌. ئێواره‌ی‌ دوێنێ‌ باری‌ ته‌ندروستی‌ مه‌حمود سه‌نگاوی‌ تێكچوو، به‌هۆیه‌وه‌ ره‌وانه‌ی‌ نه‌خۆشخانه‌ی‌ بوژانه‌وه‌ی‌ دڵ له‌ شاری‌ سلێمانی‌ كرا.

نەوشیروان مستەفا رێکخەرى گشتى بزوتنەوەى گۆڕان پەیامێک ئاڕاستەى هەڵسوڕاوان و دۆستانی بزوتنەوەی گۆڕان و رەوەندی کوردی لە دەرەوەی هەرێم دەکات. لە پەیامەکەى رێکخەرى گشتى بزوتنەوەى گۆڕان-دا،هاتووە" ئێوە، وەک رەوەندی کوردستانیانی تاراوگەو هەندەران، سامانێکی مرۆیی گەورەن کە ئایندەی هەرێمی کوردستان، لە زۆر جومگەدا، بەندە بە هۆشیاریی سیاسی و کۆمەڵایەتی و رۆشنبیریتانەوە، لە چەند ساڵی رابردودا هۆشیاریی و ئازایەتی ئێوە، شانبەشانی بوێری و خۆڕاگری هاوڕێکانتان لە ناوخۆی هەرێم، تین و گوڕێکی گەورەی بەخشییە خەباتی دیموکراتی و شارستانی گەلی کوردستان". لە بەشێکى دیکەى ئەو پەیامەدا نەوشیروان مستەفا دەڵێت" بە حوکمی ئازادیی و سەربەخۆیی ئابوریی زۆربەتان، لە وڵاتگەلێکدا کە مافە سەرەتاییەکانی مرۆڤی دابینکردوە، توانیوتانە زۆرترین جەماوەر و دۆست لە دەوری بزوتنەوی گۆڕان و چالاکیەکانی ئۆپۆزسیۆن کۆبکەنەوە، دەسەڵاتدارانی هەرێم نەیانتوانیوە بتانخه‌نە ژێر ئەو گۆشارە سیاسییەی کە زۆرجار لە ناوخۆدا دژی هاوڵاتیان، بۆ کڕینی وەلا و دەنگ و بێدەنگکردنیان، پێڕەویانکردوە". ئەوەش دەقى پەیامەکەى نەوشیروان مستەفایە: هاوڕێیان... هەڵسوڕاوان و دۆستانی بزوتنەوەی گۆڕان لە دەرەوەی نیشتمان خوشکان و برایانی بەڕێزی رەوەندی کوردی لەسەرجەم وڵات و کیشوەرەکانی جیهان سڵاوتان لێ بێ و ئەم کاتەتان شاد... ئێوە، وەک رەوەندی کوردستانیانی تاراوگەو هەندەران، سامانێکی مرۆیی گەورەن کە ئایندەی هەرێمی کوردستان، لە زۆر جومگەدا، بەندە بە هۆشیاریی سیاسی و کۆمەڵایەتی و رۆشنبیریتانەوە. لە چەند ساڵی رابردودا هۆشیاریی و ئازایەتی ئێوە، شانبەشانی بوێری…

دوو گه‌نج له‌ ئه‌فغانستان توانیویانه‌ ئامێرێكی‌ نوێ‌ بۆ ئاشكراكردن و ته‌قاندنه‌وه‌ی‌ مین دروست بكه‌ن كه‌ له‌شێوه‌ی‌ توپێكی‌ گه‌وره‌دایه‌ توڵی‌ داری‌ حه‌یزه‌رانیش له‌دروستكردنیدا به‌كارهێنراوه‌ .هه‌روه‌ها شێوه‌ی‌ ئه‌م ئامێره‌ له‌ جۆره‌ یارییه‌ك ده‌چێت كه‌ منداڵانی‌ ئه‌فغانستان بۆ یاریكردن به‌كاریده‌هێنن .كاركردنی‌ ئه‌م ئامێره‌ش به‌شێوه‌یه‌كه‌ كه‌ هه‌وا ده‌نێرێت بۆ سه‌ر مینه‌كه‌و پاشان ده‌یته‌قێنێته‌وه‌ پاش ئه‌مه‌ش ئه‌و شوێنه‌ له‌ ئامێری‌ "جی‌ پی‌ ئێس"دا به‌ناوچه‌یه‌كی‌ ئارام و بێمه‌ترسی‌ تۆمار ده‌كات.ڤیدیۆسه‌رچاوه‌: بی‌ بی‌ سی‌

تیمێكی‌ پزیشكی‌ به‌ریتانی نه‌شته‌رگه‌رییه‌كی‌ سه‌ركه‌وتویان بۆ ئه‌و دوو منداڵه‌ی‌ قه‌زای‌ خانه‌قین ئه‌نجامدا، كه‌ماوه‌یه‌ك پێش ئێستا به‌هۆی‌ هه‌ڵه‌خه‌ته‌نه‌كردنه‌وه‌ ئه‌ندامی‌ نێرینه‌یان توشی‌ مه‌ترسی‌ ببوو، ئه‌و تیمه‌ پزیشكه‌یه‌ راشیان گه‌یاند تونیویانه‌ كێشه‌ی‌ میزكردنی‌ ئه‌و دوومنداڵه‌ چاره‌سه‌ربكه‌ن، به‌ڵام بۆ چاره‌سه‌ركردنی‌ هه‌ستی‌ سێكسكردنیان، ئه‌وا له‌داهاتودا ده‌رده‌كه‌وێت كه‌ وه‌ك كه‌سی‌ ئاسایی‌ هه‌ستیان ده‌بێت یان نا. راپۆرته‌كه‌ به‌ ڤیدیۆ ..

به‌پێی به‌ڵگه‌نامه‌یه‌كی گرنگی ویكیلیكس، كوشتنی سێ ژنه‌ی ئه‌ندامی پارتی كرێكارانی كوردستان په‌كه‌كه‌ له‌ شاری پاریس، پێش چه‌ند ساڵێك پلانی بۆ دارێژراوه‌‌و، له‌ رێی بروسكه‌یه‌كیشه‌وه‌ ساڵی 2007 باڵوێزی ئه‌مریكا له‌ توركیا، زانیاریی گرنگی له‌سه‌ر ساكینه‌ جانسز، ئه‌ندامی ده‌سته‌ی دامه‌زرێنه‌ری په‌كه‌كه‌و چه‌ند كه‌سێكی تر داوه‌ته‌ به‌رپرسانی توركیا.بۆ بینیی‌ راپۆرتێكی‌ ئێن ئاڕتی‌ له‌سه‌ر ئه‌و به‌ڵگانه‌ كلیك لێره‌ بكه‌:

له‌ پاریسی پایته‌ختی فه‌ره‌نسا له‌ ئه‌نجامی هێرشی گروپێکی چه‌کداردا (3) ژنه‌ سیاسه‌تمه‌داری کورد کوژران که‌پێكهاتوون له‌ (ساکینه‌ جانسز) ئه‌ندامی ده‌سته‌ی دامه‌زرێنه‌ری PKK ، (فیدان دۆغان) نوێنه‌ری KNK له‌ پاریس  و کچه‌ گه‌نجێکی تر به‌ناوی (له‌یلا سۆیله‌مه‌ز).به‌پێی هه‌واڵی‌ ئاژانسی‌ "فورات" ی‌ نزیك له‌په‌كه‌كه‌، شه‌وی‌ رابردوو که‌سانێکی نه‌ناسراو، په‌لاماری نوسینگه‌ی راگه‌یاندنی کوردستان له‌ ناوچه‌ی (Gare du Nord) یان داوه‌، له‌ئه‌نجامیشدا ئه‌و سێ ژنه‌ سیاسه‌تمه‌داره‌ كوژراون.ئاژانسه‌كه‌ نوسیویه‌تی‌ گریمانه‌ ده‌کرێت له‌ په‌لاماره‌که‌دا چه‌کی بێده‌نگ به‌کارهێنرابێت، به‌ڵام تا ئێستا هیچ لێدوان و روونکردنه‌وه‌ی فه‌رمی نه‌دراوه‌.جانسز و دۆغان فیشه‌ک له‌ سه‌ری دراوه‌ و له‌یلاش له‌ سکی، پۆلیسی فه‌ره‌نسا ده‌ستی به‌ لێکۆڵینه‌وه‌ کردووه‌.هه‌ر به‌ پێی هه‌واڵه‌كه‌ (سه‌لما ئاککای) په‌یامنێری رۆژنامه‌ی ئۆزگیور پۆلیتیکا  بۆ چه‌ندین جار په‌یوه‌ندی به‌ فیدانه‌وه‌ ده‌کات، به‌ڵام هه‌واڵی لێنابیستێت، دواتر له‌ کاتژمێر 01.30 به‌کاتی پاریس ده‌چنه‌ شوێنی رووداوه‌که‌ و ده‌بینن له‌ به‌رده‌م ده‌رگای بیناکه‌دا خوێن هه‌یه‌ و ده‌چنه‌ ناو بیناکه‌وه‌.(محه‌مه‌د ئولکه‌ر) سه‌رۆکی فیدراسیۆنی کۆمه‌ڵه‌ کوردییه‌کانی فه‌ره‌نسا  وتی "یه‌ک دوو هه‌ڤاڵ شوێن خوێن له‌به‌ر ده‌رگاکه‌ ده‌بینن، دوای شکاندنی ده‌رگاکه‌ ده‌بینن (3) ژن ره‌می کراون".ئولکه‌ر ئاماژه‌ی به‌وه‌ش کرد که‌ نووسینگه‌که‌ له‌ نهۆمی‌ یه‌که‌می بینایه‌کدایه‌ له‌سه‌ر شه‌قامێکی قه‌ره‌باڵغ، رایشیگه‌یاند که‌ گریمانه‌ "ده‌کرێت هێرشه‌كه‌ له‌ کاتژمێر 06.00 ــ 07.00 ی ئێواره‌ی 9ی کانوونی دووه‌م ئه‌نجام درابێت و به‌شێوه‌یه‌کی زۆر شاره‌زایانه‌ و لێزانانه‌ کراوه‌".